Azərbaycan, Bakı, 16 avqust /Trend, müxbir A. Axundov/
Vergilər Nazirliyi 2013-cü ildə qeyri-neft sektoru üzrə dövlət büdcəsinə vergi daxilomalarının artımının təxminən 14,4 faiz olacağını proqnozlaşdırır. Trend-in məlumatına görə, Vergilər Nazirliyinin İqtisadi Təhlil və Sahibkarlıq Subyektlərinin Dövlət Qeydiyyatı Baş İdarəsinin rəisi, vergi xidməti müşaviri Natiq Şirinovun "Respublika" qəzetində dərc olunan məqaləsində bildirilir.
Məqalədə deyilir ki, qeyri-neft sektoru üzrə vergi daxilolmalarının artım tempi qeyri-neft sektoru üzrə ÜDM-in artmasını üstələyir. 2012-ci il ərzində qeyri-neft sektoru üzrə ÜDM-in real artım tempi 9,7 faiz olduğu halda, qeyri-neft sektoru üzrə vergi daxilolmalarının həcmi 14,5 faiz artıb. Bu ilin sonuna olan proqnoza görə, göstəricilər müvafiq olaraq 10,1 faiz və 14,4 faiz olub.
