Azərbaycan, Bakı, 4 sentyabr /Trend, müxbir E.Əliyev/
2013-ci ilin yanvar-iyul aylarında dövriyyədə olan pul kütləsi (dövriyyədəki nağd pulların (banklardan kənarda) və maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqlarının, M2) 2012-ci ilin analoji dövrü ilə müqayisədə 21,16 faiz artıb.
Trend-in məlumatına görə, bu barədə şənbə günü Azərbaycan Mərkəzi Bankının (AMB) statistik hesabatında bildirilir.
Belə ki, 2013-ci il ilk yeddi ayı ərzində olan vəziyyətə görə, M2 göstəricisi 14504,04milyon manat təşkil edib. 2012-ci ilin analoji dövründə bu rəqəm 11971 milyon manat olub.
2013-ci il yeddi ayı ərzində olan vəziyyətə görə, nağd pul kütləsi (M0) 18 faiz arataraq 9455,1 milyon manat təşkil edib. 2012-ci ilin analoji dövründə bu rəqəm 8012,3 milyon manat olub.
2013-ci il yanvar-iyul aylarında olan vəziyyətə görə, genişlənmiş pul kütləsi (Broad Money Supply (M3) 17435,8 milyon manat təşkil edib ki, buda 2012-ci ilin analoji dövründə qeydə alınan nəticədən (14703 milyon manat) 18,59 faiz çoxdur.
2013-ci ilin iyulun əvvəlinə olan vəziyyətə görə, sövdələşmələr üçün məbləğlər (transaction money (M1) 11514,9 milyon manat təşkil edib ki, buda 2012-ci ilin analoji dövründə qeydə alınan nəticədən (9671,2 milyon manat) 19,06 faiz çoxdur.
