Azərbaycan, Bakı, 16 sentyabr /Trend, müxbir E. Əliyev/
2013-cü ilin yanvar-avqust aylarında əhalinin gəlirləri əvvəlki ilin eyni dövrü ilə müqayisədə 7,4 faiz artaraq 22 milyard manata çatıb, onun hər nəfərə düşən həcmi orta hesabla 2376,2 manat və ya ayda 297 manat təşkil edib. Bu barədə Trend Dövlət Statistika Komitəsinin hesabatına istinadən xəbər yayıb.
Məlumata görə, hər nəfərə düşən gəlirlərin həcminin artımı altı faiz təşkil edib.
Bu dövr ərzində gəlirlərin 68,7 faizi son istehlaka, 9,1 faizi vergilər, sosial sığorta və üzvlük haqlarının, 20,6 faizi isə əmanətlərin və kapitalın artırılmasına yönəldilib.
Əhalinin sərəncamında qalan gəlirlər 20,03 milyard manat təşkil edərək əvvəlki ilin eyni dövrünə nisbətən 7,5 faiz artıb.
