Azərbaycan, Bakı, 8 oktyabr /Trend, müxbir A. Axundov/
2014-cü ildə Azərbaycan iqtisadiyyatına yatırılan investisiyalar 18,415 milyard manat təşkil edəcək ki, bu da həmin ilə olan proqnozları 2,9 faiz üstələyir.
Trend-in məlumatına görə, bu barədə 2014-cü il və növbəti 3 il üçün dövlət büdcəsi layihəsində deyilir.
Daxili investisiyaların xüsusi çəkisi 70,4 faiz, xarici investisiyaların xüsusi çəkisi isə 29,6 faiz təşkil edəcək. İnvestisiyaların 68,5 faizini qeyri-neft sektoruna ayırmaq planlaşdırılır.
Gələn il dövlət investisiyaları 9,7 milyard manat olacaq. Qeyri-dövlət investisiyalarının payı 47,5 faiz (8,7 milyard manat) təşkil edəcək.