Azərbaycan, Bakı, 22 oktyabr /Trend/
"Bakı Fond Birjası" QSC-yə (BFB) "Azər-Türk bank" ASC-nin adi, adlı, sənədsiz səhmlərinin qeyri-kotirovka vərəqəsinə salınması ilə bağlı müraciət olunub.
Birjadan Trend-ə verilən məlumata görə, oktyabrın 23-dən etibarən BFB-də "Azər-Türk bank" ASC-nin ümumi məbləği 1,2 milyon manat olan səhmlərinin yerləşdirilməsinə başlanılması nəzərdə tutulur.
Emissiya prospektinə hər birinin nominal dəyəri bir manat olan 1 204 410 ədəd səhm daxildir.
Yerləşdirmənin anderrayteri qismində "Çelsi Kapital" MMC çıxış edir.