Azərbaycan, Bakı, 11 mart /Trend, müxbir E.Əliyev/
Azərbaycanın Gürcüstan iqtisadiyyatına yatırdığı birbaşa investisiyaların həcmi il ərzində 61,02 faiz artıb. Bu barədə Trend çərşənbə axşamı Gürcüstan Milli Statistika Xidmətinə istinadən məlumat verir.
Belə ki, 2013-cü ildə Azərbaycan Gürcüstana 95 milyon dollar həcmində investisiya qoyub. 2012-ci ildə bu rəqəm 59 milyon dollar olub.
Ötən il Gürcüstan iqtisadiyyatına ümumilikdə 914 milyon dollar yatırılıb. Hesabat dövründə birbaşa investisiyaların həcmi üzrə Azərbaycanın xüsusi çəkisi 10,4 faiz təşkil edib.
Azərbaycan Gürcüstan iqtisadiyyatının beş iri investorundan biri olmağa davam edir. Ötən il Gürcüstana birbaşa investisiyalar daha çox Niderlanddan (180 milyon dollar) daxil oub. İkinci və üçüncü yerləri müvafiq olaraq, Lüksemburq (145 milyon dollar) və Çin (98 milyon dollar) tutur.
Bundan başqa, Azərbaycan 72 milyon dollar göstərici ilə IV rübün nəticələrinə əsasən birbaşa investisiyaların həcmi üzrə lider olub.
2006-2013-cü illərdə Azərbaycandan Gürcüstana yatırılmış birbaşa investisiyaların həcmi üzrə cədvəl:
|
İl |
İnvestisiyaların həcmi, mln. dollar |
|
2006 |
78 |
|
2007 |
41 |
|
2008 |
24 |
|
2009 |
30 |
|
2010 |
58 |
|
2011 |
138 |
|
2012 |
59 |
|
2013 |
95 |
|
Cəmi: |
523 |