...

Azərbaycan Mərkəzi Bankı uçot dərəcələrinə yenidən baxa bilər

Biznes və iqtisadiyyat xəbərləri Materials 25 Aprel 2014 13:21 (UTC +04:00)

Azərbaycan, Bakı, 25 aprel /Trend, müxbir E.Əliyev/

Azərbaycan Mərkəzi Bankı (AMB) yaxın vaxtlarda uçot dərəcələrinə yenidən baxa bilər. Trend-in məlumatına görə, bu barədə cümə günü jurnalistlərə AMB sədrinin müavini Xaqani Abdullayev bildirib.

O deyib: "Yaxın günlərdə AMB-nin Pul Siyasəti və Maliyyə Sabitliyi Komitəsinin iclası keçiriləcək. İclasda bu məsələyə də baxılacaq. Uçot dərəcələrinə yenidən baxılacağı istisna deyil. Bu həm azalma, həm də çoxalma tərəfə ola bilər".

Sonuncu dəfə ölkə Mərkəzi bankının təkrar maliyyələşdirmə dərəcəsi 2013-cü ilin fevralında beş faizdən 4,75 faizə endirilib.

Mərkəzi bankdan izah ediblər ki, bu qərar inflyasiyanın aşağı səviyyəsi, pul kütləsinin artım sürəti, eləcə də milli iqtisadiyyatın şaxələndirilmə prioritetləri ilə bağlıdır.

Mərkəzi Bank makroiqtisadi sabitliyə yönəldilmiş pul siyasətini davam etdirir. Buna görə də 2013-cü ildə orta illik inflyasiya 2,4 faizə qədər təşkil etdi, manatın məzənnəsi sabit səviyyədə qaldı.

Müqayisə üçün: 2012-ci ildə Azərbaycanda inflyasiya 1,1 faiz, 2011-ci ildə - 7,9 faiz, 2010-cu ildə - 5,7 faiz təşkil edib.

Ötən il ərzində manatın dollara nisbətdə məzənnəsi 0,06 faizdə möhkəmlənərək, praktiki olaraq dəyişməyib. Məzənnənin standart deviasiyası da həmçinin kiçik (0,00017) idi. Milli məzənnənin sabitliyi maliyyə sektoru mühitinə və onun sabitliyinə müsbət təsir göstərdi. Hesabat dövründə ABŞ, Türkiyə, Rusiya, Ukrayna, Gürcüstan, İran, Qazaxıstan və Yaponiya valyutaları ilə müqayisədə manat həm nominal, həm də real olaraq möhkəmləndi.

Məqalədə:
Xəbər lenti

Xəbər lenti