Qazaxıstan, Astana, 22 may /Trend, müxbirlər D.Muxtarov, E.İsmayılov/
Azərbaycan Nəqliyyat Nazirliyi 2015-ci ilin sonuna Ələt qəsəbəsində yeni beynəlxalq dəniz limanını tam istismara verməyi planlaşdırır. Bunu cümə axşamı Trend-ə nəqliyyat nazirinin müavini Musa Pənahov deyib.
Onun sözlərinə görə, 2014-cü ilin avqust ayında yeni limanın bərə terminalının istismara verilməsi nəzərdə tutulur.
M.Pənahov bildirib ki, mövcud Bakı beynəlxalq dəniz limanının paytaxtdan köçürülməsi 2015-ci ilin sonuna həyata keçiriləcək.
Qeyd edək ki, yeni beynəlxalq limanın tikintisinə 2010-cu ilin noyabrında başlanıb.