Azərbaycan, Bakı, 20 iyun /Trend, müxbir Emin Əliyev/
"Atəşgah Sığorta" şirkəti yaxın gələcəkdə təkrar sığorta üzrə lisenziya almaq üçün müraciət etmək niyyətində deyil. Bunu cümə günü Trend-ə şirkətin İdarə Heyətinin sədri Tələt Səfərov deyib.
Onun sözlərinə görə, cari ildə bu cür planlar yoxdur: "Hazırda şirkətin yaxın 3 il üçün hazırlanan fəaliyyət strategiyası çərçivəsində bu məsələ öz əksini tapıb".
T. Səfərov vurğulayıb ki, şirkət yaxın zamanda nizamnamə kapitalını da artırmaq niyyətindədir: "Biz eyni zamanda, həyat sığortası ilə məşğul olan "Atəşgah Həyat Sığorta" şirkətinin kapitalını artıracağıq. Kapital bu il tənzimləyicinin minimum tələbinədək (2015-ci il yanvarın 1-nə 6,5 milyon manat olmalıdır) çatdırılacaq".