Azərbaycan, Bakı, 11 sentyabr /Trend, müxbir Emil İsmayılov/
"TX4" avtomobillərinin operatoru olan "Baku Taxi Company" şirkəti gələn il Bakıda keçiriləcək I Avropa Oyunlarına qədər parkını daha 500 avtomobillə genişləndirmək niyyətindədir. Bu barədə Trend-ə şirkətdən bildiriblər.
Hazırda şirkətin avtomobil parkı 1000 maşından ibarətdir və onlar yalnız Bakı ərazisində işləyir.
Şirkətdən yeni avtomobillərin ölkəyə gətiriləcəyi tarixi açıqlamayıblar.
Qeyd edək ki, "Bakı 2015" I Avropa Oyunları iyunun 12-28-də keçiriləcək.
Avtomobillərdə gedişhaqqına gəlincə, şirkətdən deyiblər ki, tarif dəyişməz qalır.
Hazırda "Baku Taxi Company"nin avtomobillərində gedişhaqqı aşağıdakı kimidir:
|
Çatdırma qiyməti |
1 manat |
|
Hər kilometrə görə gedişhaqqı (10 kilometrə qədər) |
0,7 manat |
|
Hər kilometrə görə gedişhaqqı (10 kilometrdən 20 kilometrə qədər) |
0,4 manat |
|
Hər kilometrə görə gedişhaqqı (20 kilometrdən və daha artıq kilometr) |
0,2 manat |
|
Dayanmanın hər dəqiqəsinin qiyməti |
0,05 manat |
