Azərbaycan, Bakı, 18 mart /Trend, müxbir Azad Həsənli/
"Azersun Holding" məhsullarının qiymətini artırmağı planlaşdırmır.
Trend-in məlumatına görə, bunu mətbuat konfransında holdinqin baş direktoru Savaş Uzan deyib.
Onun sözlərinə əsasən, son vaxtlar holdinqin adı qiyməti artımı ilə bağlı tez-tez hallanır: "Bunun nədən qaynaqlandığını bilmirəm. Manatın məzənnəsi yenicə dəyişəndə bəyan etdik ki, məhsullarımızın qiymətini artırmağa hazırlaşmırıq".