Bakı. Trend:
Rəşt-Astara dəmir yolu sahəsinin tikintisi üzrə birgə müəssisə çərçivəsində iş və yaxud beynəlxalq tender keçirilməsi variantları var.
Trend-in məlumatına görə, bunu "Azərbaycan Dəmir Yolları" QSC-nin sədri Cavid Qurbanov ANS-ə açıqlamasında deyib.
"İran tərəfinin hesablamalarına görə, Rəşt-Astara dəmir yolu sahəsinin tikintisinin dəyəri təxminən 900 milyon dollar təşkil edir", deyə C.Qurbanov bildirib.
Onun sözlərinə görə, Azərbaycan tərəfi hələlik bu hesablamaları ekspertizadan keçirməyib: "Biz İrandan layihə üzrə sənədləri bizə təqdim etməyi xahiş etdik, hansıları ki, Maliyyə Nazirliyi, İqtisadiyyat Nazirliyi və FHN-ə təqdim edəcəyik. Qiymətləndirmə aparılacaq və onun nəticələri Prezidentə təqdim olunacaq. Prezident qeyd etmişdir ki, biz maliyyə dəstəyi göstərməyə hazırıq. Avqustun 8-10 İran prezidenti Həsən Ruhaninin Azərbaycana səfəri gözlənilir, və o vaxta kimi biz lazımi sənədləri, bu sahəyə dair maliyyə yardımının göstərilməsi üzrə protokolları hazırlamağa çalışacağıq, hansılar ki, əgər Azərbaycan Prezidenti onları təsdiqləsə, iki ölkə arasında imzalanacaq".
C.Qurbanov qeyd edib ki, maliyyələşdirilmənin mənbələrinin hansı formada olacağı danışıqlardan asılıdır: "Bu kredit kimi veriləcək İrana, yoxsa İran xarici kredit cəlb edəcək, və yaxud bağlı bir kredit kimi veriləcək - artıq bu orada olan müqavilənin şərtlərindən asılı olacaq. Biz onu hər üç variantda işləyirik. İranla hansı variantda razılaşdırsaq, o variantda da edəcəyik".