...

Sentyabrda 69 710 avtonəqliyyat vasitəsi icbari sığortaya cəlb olunub

Biznes və iqtisadiyyat xəbərləri Materials 3 Oktyabr 2016 11:51 (UTC +04:00)
2016-cı ilin sentyabr ayı ərzində İcbari Sığorta Bürosunun (İSB) informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə 69 710 müqavilə qeydiyyata alınıb.
Sentyabrda 69 710 avtonəqliyyat vasitəsi icbari sığortaya cəlb olunub

Bakı. Azad Həsənli - Trend:

2016-cı ilin sentyabr ayı ərzində İcbari Sığorta Bürosunun (İSB) informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə 69 710 müqavilə qeydiyyata alınıb.

Trend-in İSB-yə istinadən verdiyi məlumata görə, bunların 10 625-i xarici ölkədə qeydiyyata alınmış və Azərbaycana tranzit məqsədilə daxil olan avtonəqliyyat vasitələri təşkil edib. 2016-cı ilin sentyabr ayı ərzində standart və sərhəd sığorta müqavilələri üzrə daxil olan sığorta haqlarının məbləği 5,7 milyon manata yaxın olub.

2015-ci ilin sentyabr ayı ilə müqayisədə sığorta müqavilələrinin sayında 3%, sığorta haqlarının məbləğində isə 2,0% artım müşahidə edilib.

Setybar ayında avtonəqliyyat vasitəsi sahiblərinin mülki məsuliyyətinin icbari sığortası üzrə orta sığorta haqqı məbləği cari ilin avqust ayı ilə müqayisədə 2.7% artaraq 81.4 manat təşkil edib.

Məqalədə:
Xəbər lenti

Xəbər lenti