Bakı. Trend:
Bu gün Bakıda “Philip Morris International” PMI şirkətinin Azərbaycan Amerika Ticarət Palatasının (AmCham Azerbaijan) dəstəyi ilə təşkil etdiyi “TECHNOVATION: Davamlı İqtisadi Transformasiya üçün Elm və İnnovasiya” mövzusunda tədbir keçirilir.
Bu barədə Trend-in tədbirdəki müxbiri xəbər verir.
Tədbir dövlət qurumlarının, biznes dairələrinin, beynəlxalq şirkətlərin və ekspert icmasının nümayəndələrini dayanıqlı iqtisadi artımın təmin olunmasında və iqtisadiyyatın şaxələndirilməsində elmin, innovasiyaların və müasir texnologiyaların rolunu müzakirə etmək üçün bir araya gətirib.
Proqram çərçivəsində hökumət, biznes və beynəlxalq təşkilatların nümayəndələrinin çıxışları, həmçinin qeyri-neft-qaz sektorunun inkişafı, iqtisadiyyatın innovativ transformasiyası, dayanıqlı inkişaf və qabaqcıl texnologiyaların tətbiqi məsələlərinə həsr olunmuş panel müzakirələri nəzərdə tutulub.
Tədbir iştirakçıları Azərbaycan iqtisadiyyatının uzunmüddətli inkişafına töhfə verən innovativ həllərin təşviqi, təcrübə mübadiləsi, dövlət və özəl sektor arasında əməkdaşlığın gücləndirilməsi imkanlarını müzakirə edirlər.
Xəbər yenilənir.
