Azərbaycanın Maliyyə Nazirliyi Dövlət Qısamüddətli İstiqrazları (DQİ) üzrə 7-ci hərracını keçirib. Bakı Fond Birjasından (BFB) Trend ə verilən məlumata görə, hərracın obyekti dövlət qeydiyyat nişanı 10600708, ümumi məbləği 20 milyard manat olan DQİ-ı olub.
Bir qiymətli kağızın nominal dəyəri 1 milyon manata bərabərdir, onların tədavül müddəti 120 gün təşkil edir. Ödənmə tarixi isə noyabrın 15-dir. Hərracda 16 852 milyon manat məbləğində ərizə təqdim edən beş investor iştirak edib. Ərizələr 96,66% -lik (gəliri 10,51% - 96,97% (9,5%) diapozonda təqdim edilib. Kəsmə qiymət 96,66% (10,51%), orta qiymət - 96,75% (10,21%)-dir. Ərizələr tam həcmdə ödənilib.
Beləliklə, cari ildə Maliyyə Nazirliyi ümumi məbləği 205 milyard manat olan DQİ-ı çap edib ki, bu da bütün cari il ərzində Qiymətli Kağızlar üzrə Dövlət Komitəsinin qeydiyyatdan keçirdiyi DQİ-nin ümumi həcmininin (400 milyard manat) cəmisi 51,25% -ni təşkil edir. DQİ-nin ilk hərracı uğursuz olsa da, ikinci hərrac zamanı 31,96% DQİ-nı yaymaq mümkün olub.
MN-nin istiqrazları 100 % yaydığı 3-cü və 4-cü hərraclar, gəlirliliyin emitenti təmin etmədiyi beşinci, emissiyaların bütün həcminin yenidən yerləşdirildiyi altıncı və MN-nin emissiyaları 84,26% yerləşdirdiyi yeddinci hərraclar nəzərə alınmaqla, Nazirlik 74,842 milyard manat və ya 36,51% DQİ-nı yaya bilib.
