Azərbaycanın aqrar islahatlarının onilliyi üzrə Moskvada keçirilməsi planlaşdırılan elmi-praktiki konfransın vaxtı avqusta dəyişdirilib.AR kənd təsərrüfatı nazirliyində Trend agentliyinə bildirilib ki, tədbir cari ilin iyulunda keçirilməli idi.Rusiya tərəfinin kənd təsərrüfatı nazirliyinə müraciəti səbəbindən tədbir avqusta keçirilib.
Nazirlikdə həm də qeyd edilib ki, konfransın cari ilin avqustunda Rusiya Federasiyasının kənd təsərrüfatı nazirliyində keçirilməsi planlaşdırılır.
Hazırda nazirlikdə tədbirdə iştirak edəcək nazirlik nümayəndələrinin dəqiq siyahısı hazırlanır.
Nazirlikdə forumun işində AR KT naziri İsmət Abbasovun iştirakı istisna edilməyib.
Konfransın keçirilməsində məqsəd son on il ərzində Azərbaycanın aqrar sahəsində əldə olunmuş nailiyyətlərin müzakirəsidir. (Azərbaycanda aqrar sektorda ilk islahat 1995-ci ilin fevralında aparılıb).
Bundan başqa, cari ilin sentyabrında RF-də həmin sahəni əhatə edən seminarların və kənd təsərrüfatı məhsullarının sərgisinin keçirilməsi planlaşdırılır.
Həmin konfrans 2005-ci ilin Rusiyada Azərbaycan ili kimi qeyd olunması çərçivəsində keçirilən tədbirlərdən biri olaraq həyata keçirilir.
Rusiyada 2005-ci ilin Azərbaycan ili elan olunmasına dair qərar 2004-cü ilin aprel ayında Azərbaycan ilə Rusiya Federasiyası arasında iqtisadi əməkdaşlıq üzrə hökumətlərarası komissiyanın 8-ci iclasının protokolu ilə qəbul edilib.