...

AZƏRBAYCAN MİKROMALİYYƏLƏŞDİRMƏ BANKI QTİB VƏ TRIODOS-DOEN FOUNDATION –DƏN $4,5 MLN ALIB

Biznes və iqtisadiyyat xəbərləri Materials 25 Avqust 2005 17:21 (UTC +04:00)

Azərbaycan mikromaliyyələşdirmə bankı (AMMB) mikro və kiçik maliyyələşdirmənin inkişafı üçün $4,5 mln. həcmində 2 kredit xəttinə dair saziş imzalayıb.AMMB-də Trend agentliyinə bildirilib ki, Qara dəniz ticarət və inkişaf bankı (QTİB) $3 mln., Dutch Stiehting Triodos-Doen isə $1,5 mln. təqdim edib.

AMMB-də bildirilib ki, bu iki kredit xətti bank üçün mühümdür və bunlar əməliyyatları genişləndirməyə imkan verəcək.Kreditləşdirməyə tələbat Gəncədə filialın açılışından və payızda Şəkidə açılması gözlənilən filialdan sonra artıb.

Əvvəllər AMMB AYİB-dən $5 mln. alıb və həmin məqsədlə mənimsəyib, Beynəlxalq maliyyə korporasiyasından $3 mln. həcmində 5 il müddətinə ayrılmış kreditin mənimsənilməsini aparır və Almaniyanın KfW inkişaf bankından vəsaitin cəlb edilməsini planlaşdırır.

AMMB-nin orta aylıq kredit portfeli 700 kredit üzrə $2,75 mln. təşkil edir.Cari portfel 4,5 min kredit üzrə $12,5 mln. təşkil edir.Bank öz fəaliyyətinin 3 ili ərzində 14,5 min kredit üzrə $33 mln.ayırıb.

Bankın $6,85 mln.-da nizamnamə kapitalı vardır və onun aksiyalarının 25,6%-i Beynəlxalq maliyyə korporasiyasına və QTİB-nə məxsusdur. KfW-nin payına 24,9%, AYİB 18,2%, idarəedici LFS Financial Systems GmbH şirkətinin payına 5,7% düşür.

Xəbər lenti

Xəbər lenti