Gələcəkdə görük rüsumlarının ödənilməsi bankomatlar və İnternet-bankinq vasitəsilə həyata keçirilə bilər. Azericard prossesinq şirkətindən Trend ə verilən məlumata görə, cari ilin sentyabrından əvvəllər nəqd ödəniş yolu ilə həyata keçirilən gömrük rüsumlarının ödənilməsi plastik kartlar vasitəsilə ödənilir.
"Hazırda plastik kartlar vasitəsilə ödənişlər POS-terminalları vasitəsilə həyata keçirilir ki, onlardan biri mərkəzi gömrükdə, dijəri isə Sulutəpədəki gömrük məntəqəsində quraşdırılıb. Sistemin funksiyalarının genişləndirilməsi 2006-cı il üçün nəzərdə tutulub ki, o zaman bu cür ödənişlərin İnternet-bankmnqlər və bankomatlar vasitəsilə həyata keçirilməsi mümkün olacaq. Gömrük xidmətlərinin ödənişlərinin yalnız Azərbaycan Beynəlxalq Bankının plastik kartları vasitəsilə həyata keçirilməsi barədə geniş yayılan fikirlərin əksinə olaraq ödəmələri bütün banklar vasitəsilə həyata keçirmək olar. Hazırda belə ödəmələrin həyata keçirilməsi dinamikası göstərir ki, ABB-nın plastik kartlarının payına gömrük rüsumları öödəmələrinin 20%-i düşür. Təbii ki, bu statistika dəyişə bilər, eləcə də Beynəlxalq Bankın kartları vasitəsilə ödəmələrin həcmi xüsusi çəkisi də arta bilər ki, bu da bu bankın Azərbaycanda plastik kartlar bazarının lideri olmasından irəli gəlir ", - deyə Azericard şirkətindən bildiriblər.
Gömrük rüsumlarının plastik kartlarla ödənilməsi Azərbaycan prezidentinin "Azərbaycan Respublikasında antiinhisar tədbirlərinin gücləndirilməsi barədə" fərmanına müyvafiq olaraq həyata keçirilir. Həmin fərmanın 9-cu bəndində dövlət başçısı Dövlət Gömrük Komitəsinə idxal-ixrac əməliyyatlarının gömrük proseduralarının sadələşdirməsi yolu ilə şəffaflığının təmin edilməsi və gömrükdə avtomatlaşdırılmış idarə sisteminin tətbiqi, gömrük ödənişlərinin ödəmə kartları vasitəsilə həyata keçirilməsi barədə tapşırıqlar verilib.
