Dünya bankı Azərbaycan hökumətinə ölkəyə yardım strategiyasının (CAS) ilkin variantını (draft) təqdim edib.Hökumətdə Trend ə bildirilib ki, Azərbaycan tərəfi artıq draftı nəzərdən keçirib.
"Biz artıq layihəyə baxmışıq və bəzi məqamlara aid öz rəylərimizi demişik.Hazırda strategiya layihəsi üzərində ciddi şəkildə iş aparılır" -deyə hökumətdə qeyd olunub.
Strategiya layihəsində maliyyələşdirilməsi 2006-2009-cu illərdə həyata keçiriləcək layihələr göstərilib.Bunlar yol çəkilməsi, məhkəmə sistemində islahatlar, qaz təchizatı, su təchizatı və digər məsələləri əhatə edir.
Yeni CAS-da Beynəlxalq inkişaf Assosiasiyası (BİA) xəttilə 2008-ci ilədək güzəştli maliyyələşdirilmənin ayrılması nəzərdə tutulub. "Azərbaycan faktiki olaraq BİA kreditlərinin alınması mərhələsinə keçib.Amma bank BİA xəttilə bəzi məbləğlərin təqdim olunmasını davam etdirir" -deyə hökumətdə qeyd olunub.