...

Azərbaycanda 183,5 min ton pambıq yığılıb

Biznes və iqtisadiyyat xəbərləri Materials 15 Noyabr 2005 15:11 (UTC +04:00)

2005-ci il noyabrın 14-nə olan vəziyyət üzrə Azərbaycanda 183,5 min ton pambıq yığılıb ki, bu da 2004-cü ilin analoji dövrü ilə müqayisədə 52,5 ton çoxdur. Bu barədə Trend ə Kənd Təsərrüfatı Nazirliyindən məlumat verilib.

Nazirlikdə bildirilib ki, 2005-ci il üçün pambıq yığımı göstəricisi 185 min ton müəyyən edilib. Lakin mütəxəssislər hesab edirlər ki, bu göstərici 200 min tona çata bilər.

"Bu il 112 min ha sahədə pambıq əkilib", - deyə dövlət strukturunda vurğulayıblar.

Pambıq yığımı üzrə işlərin başa çatmasına gəldikdə, nazirlikdə bildiriblər ki, regionlarda texinika çatışmazlığı yığım prosesini ləngidir, lakin əlverişli hava şəraitində yığım noyabrın sonuna kimi başa çata bilər.

Azərbaycanda pambıq ölkənin 21 rayonunda, xüsusilə Salyan-Muğan, Qarabağ və Şirvan iqtisadi rayonlarında yetişdirilir.

Keçən il pambıq 77,7 min ha sahədə əkilmiş, 135 min ton məhsul yığılmışdı.

Xəbər lenti

Xəbər lenti