Azərbaycanın 3 gəmisi Rusiya Federasiyasının (RF) daxili su marşrutu - Volqa-Don kanalı vasitəsilə Azov dənizinə çatıb. Bu barədə Trend ə Xəzər dəniz gəmiçiliyi idarəsində (KASPAR) bildirilib.
RF nəqliyyat nazirlyiinin sərəncamına əsasən, KASPAR-ın 5 gəmisi ("Qəzənfər Musabəyov", "Maestro Niyazi", "Natəvan", "Rəsul Rza") Xəzərdən kanal ilə Azov dənizinə, "Şair Vidadi" gəmisi isə əks istiqamətdə keçməli idi. Amma "Natəvan"da təmir olması və "Şair Vidadi"-yə isə zərurət olmadığı üçün marşrut ilə 3 gəmi buraxılıb.
Azərbaycan gəmilərinin Rusiyanın daxili su marşrutları - Volqa-Don və Volqa- Baltik kanalı ilə keçməsinə icazə barədə razılaşma AR baş nazirinin birinci müavini Abbas Abbasovun bu yaxınlarda Moskvaya səfəri zamanı və RF hökumət rəhbərliyi ilə keçirilmiş görüşlərdə əldə olunub.