Dövlət büdcəsinin gəlir hissəsinin proqnozları 2005-ci ilin 11 ayı ərzində 101,9% icra edilib və xəzinəyə planlaşdırılmış 9 065,6 mlrd. manatla birgə 9 236,3 mlrd. manat köçürülüb. Bu barədə Trend ə maliyyə nazirliyində bildirilib.
Bütün il ərzində dövlət büdcəsinin gəlirləri yerinə yetirilir. Gəlirlərin həcmi ARDNF və digər gəlirlərdən daxilolmalardan başqa, demək olar ki, büdcənin bütün gəlirli hissələrində müşahidə olunur.
Buna baxmayaraq büdcə xərclərinin artması ilə bağlı olaraq artıq ilin sonunda büdcə defisitlə icra olunur. Bu, Dövlət investisiya proqramının gerçəkləşdirilməsi i lə əlaqədardır.
Hesabat dövrü ərzində vergilər nazirliyinin xətti ilə 6 383,744 mlrd. manat yığılıb, proqnoz müvafiq olaraq 100,2% yerinə yetirilib. Yığılmış vergilərdən yalnız 2 450,646 mlrd. manatı ARDNF-in hesabına təmin edilib. Deməli, qalan vergi ödəmələri qeyri-neft sektorunun payına düşür. Gömrük vergi və rüsumları 1 690,267 mlrd. manat yığılıb, müvafiq olaraq DGK-nin proqnozu 107,4% yerinə yetirilib.Dövlət əmlakının icarəsindən dövlət büdcəsinə 27,5% köçürülüb ki, bu da planlaşdırıldığından 13,875 mlrd. manat çoxdur. Büdcədənkənar fondlardan daxilolmaların payına 380,543 mlrd. manat düşür.
Ərzaq təhlükəsizliyi Proqramı çərçivəsində Avropa Birliyinin xəttilə 2005-ci ildə nəzərdə tutulmuş 50 mlrd.manatdan 26,937 mlrd. manat həcmində qrant köçürülüb. Maliyyə nazirliyində qeyd olunub ki, qrant vəsaitləri ölkənin yerinə yetirdiyi öhdəliklər dərəcəsində köçürülür və ilin sonunadək dövlət büdcəsinə 6 mln.avro. köçürülməsi nəzərdə tutulub.
