Aqrolizinq ASC 2006-cı ildə kənd təsərrüfatı texnikasının alınması üzrə tender elan edib. Müəssisədən Trend ə verilən məlumata görə, tender 3 lot - taxılyığan maşınların (30 ədəd), traktorların (40 ədəd) və traktorlara qoşulan kənd təsərrüfatı maşınlarının (110 ədəd) alınması üzrə elan edilib.
Tenderdə iştirakda maraqlı olan şirkətlər birinci lot üzrə $1500, ikinci lot üzrə $1000, üçüncü lot üzrə isə $500 vəsait köçürməlidir.
Tender təklifləri 2006-cı il fevralın 2-nə qədər qəbul edilir. Prosedurun özü isə fevralın 3-də Kənd Təsərrüfatı nazirliyində keçiriləcək.
Tenderin şərtlərinə əsasən, alınmış texnika müvafiq sazişin imzalandığı gündən etibarən 90 gün ərzində ASC-yə təqdim olunmalıdır.