Bu gün "Unilizing" şirkəti lizinq obyektinin (avtomobil nəqliyyatı) lizinq alıcılarının mülkiyyətinə verilməsi ilə bağlı ilk layihəni başa çatdırıb. 2004-cü ilin sentyabrında şirkət "Merfi Shipping" nəqliyyat şirkəti üçün ilk avtomobilin tədarükünə dair müqavilə imzalayıb. Trend bildirir ki, tədarükçü Türkiyənin "Celik Motor Ticaret A.S" şirkətinin rəsmi dileri "Azəravto" şirkətidir.
"Unilizing" şirkətinin lizinq əməliyyatları departamentinin direktoru Cavid Vəzirov qeyd edib ki, bu, "Merfi Shipping"şirkəti ilə ilk müqavilədir. Amma gələcəkdə avtomobil nəqliyyatının alınması ilə bağlı digər layihələrdə gerçəkləşdirilə bilər.
"Merfi Shipping" də lizinq olaraq üç böyük yük maşını və qaldırıcı qurğu alıb.
"Unilizing" şirkətinin idarə heyətinin sədri Hikmət Qəribovun sözlərinə görə, gələcəkdə onların təmsil olunduğu şirkət "Merfi Shipping" ilə əməkdaşlığı davam etdirmək niyyətindədir. Xüsusilə, təxminən 100 ədəd müxtəlif texnikanın alınması ilə bağlı layihənin həyata keçirilməsi nəzərdə tutulur.Bundan başqa, "Unilizing"in texniki dəstəyilə "Merfi Shipping" şirkəti gömrük terminalının genişləndirilməsi layihəsinin gerçəkləşdirilməsi üçün İslam inkişaf korporasiyası tərəfindən maliyyələşdirmə almağı nəzərdə tutur. Bu layihədə "Unibank" da iştirak edəcək.
