Misir TRACECA nəqliyyat dəhlizi layihəsində müşahidəçi kimi iştirak etmək istəyini bildirib. Bu barədə Trend ə həmin təşkilatın Azərbaycandan olan milli katibi Akif Mustafayev bildirib.
Onun sözlərinə görə, Misir layihədə iştirak etmək istəyini bildirdiyi nota göndərib. Bu nota təsdiq edilmək üçün bütün iştirakçı ölkələrə göndərilib.
Hazırda TRACECA-da müşahidəçi institutu mövcud deyil. Belə bir statusun qəbul edilməsinə dair qərarın hökumətlərarası komissiyanın bu ilin mayın 2-3-də Sofiyada keçiriləcək iclasında qəbul ediləcəyi gözlənilir. Bundan sonra Misir rəsmi müşahidəçi statusu ala bilər.
Hazırda İran və Pakistan TRACECA-da dəvət olunmuş tərəflər kimi iştirak edir.
