Dövlət əmlakının idarə edilməsi üzrə Dövlət Komitəsinin işçi qrupları Bakıda və Azərbaycanın digər regionlarında dövlət əmlakının qeyri-qanuni istifadəsinin, icarə haqqında müqavilə imzalanmadan istifadə olunan və qeyri-yaşayış ərazilərindən səmərəli istifadə üçün qeyri-qanuni zəbt edilmiş obyektlərin, eləcə də icarə haqqında bağlanmış müqavilə qaydalarına riayət olunmasının aşkar edilməsi məqsədilə monitorinqlər keçirəcək. Trend bildirir ki, bu barədə Dövlət əmlakının idarə edilməsi üzrə Dövlət Komitəsinin məlumatında deyilir.
Bundan başqa, Dövlət komitəsi dövlət əmlakının icarəsi haqqında bağlanmış müqavilələrin yeni qeydiyyatı üzrə işə başlayıb. Bunun üçün icarəçilər müqavilələrin təkrar qeydiyyatı üçün Dövlət komitəsinə müraciət etməlidir.
Komitədə dövlətin mülkiyyəti olan obyektlərin, eləcə də özəlləşdirilmiş obyektlərin ərazisində qeyri-qanuni tikinti və müvafiq icazə alınmadan bunların profilinin dəyişdirilməsi, həmçinin Dövlət komitəsinin icazəsi olmadan bu obyektlərin istifadəyə təqdim edilməsi faktlarının qarşısının alınması məqsədilə komissiya yaradılıb.
Trend-in ən mühüm və maraqlı xəbərlərini "Telegram"da izləyin
.jpg)
