Strateji dövlət müəssisələrinin özəl xarici investorlara verilməsi ilə əlaqəlar potensial narahatlığın azalması üçün Asiya İnkişaf Bankı (AİB) özəlləşdirilən infrastruktur müəssisələrin səhmlərinin müəyyən bir hissəsini Bakı Fond Birjasında satışa çıxarılmasını təklif edir. Trend in AİB-nın hesabatına istinadən verdiyi xəbərə görə, ölkədəki inkişaf və keçirilən islahatlar şəraitində yerli ictimaiyyətin özəlləşdirmə prosesində rolunun artırlması məqsədəuyğun hesab edilir.
Hesabatda bildirilir ki, qismən özəlləşdirmə Azərbaycanda qiymətli kağız bazarının inkişafına da təkan verə bilər.
AİB infrastruktur müəssisələrin özəlləşdirilməsi prosesinin sadələşdirilməsi üçün pilot layihənin həyata keçirilməsinə yardım göstərə bilər. Bu, infrastruktur sahəsində digər müəssisələrin də özəlləşdirilməsinə nümuniə kimi də istifadəç oluna bilər. Eləcə də pilot özəlləşdirmənin uğurlu həyata keçirilməsi hökumətdə bu prosesə inamın formalaşmasına gətirib çıxarar. Hazırda AİB su təchizatı və kanalizasiya sisteminin bərpası və müasirləşdirilməsi məqsədilə "Azərsu" ya maliyyə və texniki yardım göstərir. Bu proqram çərçivəsində SC formasında sü təchizatı və kanalizasiya üzrə iki törəmə regional müəssisənin yaradılmasında özəl sektorun iştirakı nəzərdə tutulur. AİB ekspertləri hesab edirlər ki, bu iki səhmdar müəssisə pilot ola bilər.
