Azərbaycanın Milli bankının (AMB) məlumatına görə, 2006-cı ilin yanvar ayı ərzində Azərbaycan banklarının depozit bazası 2,16% artırılaraq 1315,8 mlrd. manat təşkil edib. AMB-də Trend ə bildirilib ki, bank depozitlərinin ümumi həcmi, eləcə də hüquqi və fiziki şəxslərin əmanətləri 2005-ci ilin analoji dövrü ilə müqayisədə 30% artıb. Hesabat dövrü ərzində depozitlərin və əmanətlərin milli valyutada xalis çəkisi 18,4%, ümumiyətlə isə 241,9 mlrd. manat təşkil edib. Xarici valyutada banklara 1073,9 mlrd. manat cəlb edilib.
Fevralın 1-nə olan vəziyyətə görə, fiziki şəxslərin əmanətləri 21,5% artaraq 494,1 mlrd. manat təşkil edib. Hüquqi şəxslərin depozitləri 62,4% xalis çəkidə 35,6% artaraq 821,7 mlrd. manat təşkil edib.
Şübhəsiz ki, əgər "Əmanətlərin sığortası haqqında" qanun qəbul edilsəydi əhalinin bank sektorunda əmanətlərinin artım tempi xeyli arta bilərdi, amma hələlik bu istiqamətdə irəliləyiş müşahidə olunmur. Bununla belə, milli valyuta məzənnəsinin möhkəmləndirilməsi ilə bağlı olaraq ötən il manat əmanətləri 85,4% artıb, həmin vaxt banklara qoyulan əmanətlər valyutada 17,6% təşkil edib. Hüquqi şəxslərin 2005-ci ildə depozitlərinin həcmi manatla 7,3%, valyuta ilə 35,5% artıb.
