...

Azərbaycanda bank sisteminin davamlılığına diqqət artırılacaq

Biznes və iqtisadiyyat xəbərləri Materials 14 Mart 2006 17:48 (UTC +04:00)

Trend-i buradan izləyin

Martın 14-də Bakıda Avropa Yenidənqurma və İnkişaf Bankı (AYİB) azərbaycanlı bankirlər üçün "Dinamik inkişaf edən iqtisadi mühitdə bankların idarə olunması" mövzusunda seminar keçirib. Trend in verdiyi məlumata görə, tədbirdə iştirak edən Azərbaycan Milli Bankı İdarə Heyətinin sədri Elman Rüstəmov qeyd edib ki, Azərbaycan iqtisadiyyatı inkişaf mərhələsini yaşayır və bu şəraitdə bank standartları və sistemlərinin inkişafının sürətləndirilməsi zəruridir.

Bankların institusional inkişafı planında korporativ idarəetmənin, menecmentin qabaqcıl formalarının tətbiqi, bank nəzarəti üzrə Badel komitəsinin standartlarına müvafiq standartların təkmilləşdirilməsi tələb olunur. E.Rüstəmov hesab edir ki, beynəlxalq praktikanın təkmilləşdirilməsi ilə bağlı Azərbaycanın bank standartlarının da müvafiq olaraq təkmilləşdirilməsi zəruridir.

AYİB-in maliyyə institutları üzrə biznes qrupunun direktoru Kurt Qeyger (Kurt Geiger) hesab edir ki, qanunvericiliyin təkmilləşdirilməsi ilə yanaşı, bankların onlara riayət ettmələrinə də nəzarət etmək lazımdır. Onun fikrincə, ən başlıcası, bank sisteminin davalılığına diqqət ayırmaqdır.

Bundan sonra Avropa Bankının hüquqi müşaviri Jan Pyero Siqna korporativ idarəetmə üzrə beynəlxalq standartlarla yerli standartları müqayisə edib.

Xəbər lenti

Xəbər lenti