2006-cı ilin fevral ayı ərzində müəssisə və təşkilatların bütün maliyyə mənbələrindən iqtisadiyyatın inkişafına 687,7 mln. AZN. həcmində sərmayə qoyulub ki, bu da ötən ilin analoji dövründə əsas kapitala qoyulan investisiyadan 5,2% çoxdur. Dövlət Statistika Komitəsində Trend ə bildirilib ki, özəl müəssisə və təşkilatlar əsas kapitala 627,3 mln. AZN. (91,2%), dövlət müəssisə və təşkilatları isə 60,4 mln. AZN (8,8%) sərmayə qoyub.
Təmir-tikinti işlərinə qoyulan investisiyanın həcmi 11,8% artırılaraq 361,1 mln. AZN. təşkil edib. İstehsal obyektlərinin inşası üçün 612,1 mln. AZN. (89%), qeyri-istehsal obyektlərinə isə 75,6 mln. AZN. (11%) həcmində sərmayə qoyulub.
Xarici investisiyaların xüsusi çəkisi 63,6%, yaxud 437,4 mln. AZN təşkil edib. İnvestisiyaların ümumi həcmindən müvafiq olaraq daxili investisiyaların payına 36,4% düşür ki, bu da ümumiyyətlə 250 mln. AZN təşkil edir. Daxili investisiyaların həcmi ötən ilin analoji dövrü ilə müqayisədə 38,4% artıb.
İnşası dövlət büdcəsinin vəsaiti hesabına maliyyələşdirilən obyektlərin tikintisinə 18,5 mln. AZN həcmində sərmayə qoyulub ki, bu da ötən ilin analoji dövrü ilə müqayisədə 4 dəfə çoxdur. Bütövlükdə, 2006-cı ildə dövlət büdcəsində bu məqsədlərlə 611 mln. AZN nəzərdə tutulub.
İki ay ərzində istifadə olunmuş investisiyalardan 92,1%-i təmir-tikinti işlərinə yönəldilib.
Müəssisə və təşkilatların hesabına əsas kapitala 627,1 mln. AZN (investisiyaların ümumi həcmindən 92,1%), bank kreditləri - 15,7 mln. AZN (2,3%), büdcə vəsaitləri - 20,2 mln. AZN. (2,9%), büdcədənkənar fondların vəsaitləri - 8,2 mln. AZN. (1,2%), əhalinin şəxsi vəsaitləri - 15,5 mln. AZN (2,3%) və digər vəsaitlərin hesabına -1 mln. AZN (0,1%) sərmayə qoyulub.