Hesablama Palatasının (HP) İclasında Azərbaycan Respublikası Dövlət Dəmir Yolunun Daşınma Proseslərini İdarəetmə Birliyinin "Keşlə Yükdaşıma Stansiyası" üzrə dövlət gəlirlərinin audit, habelə Azərbaycan Respublikası Dövlət Rabitə və İnformasiya Texnologiyaları Nazirliyinin "Aztelekom" İstehsalat Birliyində dövlət gəlirlərinin hesablanması üzrə audit Proqramları təsdiq edilib.
HP-dən Trend ə verilən məlumata görə, auditin keçirilməsində məqsəd iri vergi ödəyicilərində vergilərin hesablanması və ödənilməsi mexanizminin düzgünlüyünün, səmərəliyinin və vergi potensialının qiymətləndirilməsindən ibarətdir.
Audit tədbirləri martın 30-dan etibarən keçiriləcək və 2004-2005-ci illəri və 2006-cı ilin cari dövrünü əhatə edəcək.
