...

Bakı Fond Birjasının tədavülü 3,2 dəfə artıb

Biznes və iqtisadiyyat xəbərləri Materials 4 Aprel 2006 15:49 (UTC +04:00)

Trend-i buradan izləyin

Bakı fond birjasının (BFB) 2006-cı ilin yanvar-martında ümumi tədavülü 172 844 114,13 manat təşkil edib ki, bu da ötən ilin analoji dövründəki həcmdən 3,2 dəfə çoxdur. Trend BFB-nin məlumatına istinadən bildirir ki, 2005-ci ilin I rübündə bu göstərici 53 424 041,30 manat səviyyəsində idi.

Hesabat dövrü ərzində Azərbaycan Milli bankının (AMB) notlarının yerləşdirilmiş həcmi 113 114 143,36 manat təşkil edib ki, bu da ötən ilin analoji göstəricisindən 3,3 dəfə çoxdur. Bu element üzrə ikinci bazarda tədavül 8 231 490,86 manat təşkil edib və burada da 4 dəfədən çox artım müşahidə olunur.

Dövlət qısamüddətli istiqrazlar (QMİ) bazarında da fəallıq müşahidə olunur və ümumi yerləşdirmə həcmi 17 979 132,66 manat təşkil edib, ötən ilin yanvar-mart aylarında QMİ üzrə əməliyyatlar keçirilməyib. Bu il QMİ üzrə ikinci bazarın tədavülü 3 099 369,18 manat təşkil edib.

Aksiyaların yerləşdirilmə həcmi 11 134 136 manat təşkil edib. 2005-ci ilin yanvar-martında 7 352291 manat məbləğində aksiya yerləşdirilib. Aksiyaların ikinci bazarında göstərilən dövr ərzində hərracların həcmi 1 458 943 manat təşkil edib, ötən ilin birinci rübü ərzində bu, 769 750,96 manat olub.

Bu dövr ərzində korporativ istiqrazların yerləşdirilmə həcmi 2 754 157,11 manat təşkil edib, 2005-ci ilin yanvar-mart ayları ərzində bu element üzrə sövdələşmə olmayıb. Bu seqmentdə ikinci bazarda əksinə ötən il fəal olub. Cari ilin birinci rübü ərzində sövdələşmələrin həcmi ötən ilin analoji dövrü ilə müqayisədə 41,6% azalıb və 486 092,23 manat təşkil edib.

2006-cı ilin birinci rübü ərzində həmçinin ümumi 14 586 649,73 manat məbləğində notlar üzrə repo-sövdələşmələr də keçirilib ki, bu da ötən ilin analoji dövrü ilə müqayisədə demək olar ki, iki dəfə (7 793 014,23 manat) azdır.

Xəbər lenti

Xəbər lenti