Martın 31-nə olan vəziyyətə görə, 17,280 vergi ödəyicisi fiziki şəxslərin gəlir vergisi və hüquqi şəxslərin mənfəət vergisi üzrə bəyannamə təqdim edib. Trend agentliyinin Vergilər Nazirliyinin İqtisadi Təhlil və Uçotun İdarəolunması İdarəsinin rəisi Zaur Fətizadəyə istinadən yaydığı məlumata əsasən, ötən ilin göstəricisindən 3,2% artıqdır.
Aprelin 1-dən fiziki şəxslərin gəlir vergisi üzrə bəyannamənin yeni forması qüvvəyə minib. Martın 31-dək bəyannaməni təqdim edə bilməmiş vergi ödəyiciləri artıq yeni formadan istifadə etməli olacaqlar. Bu forma kameral yoxlamaların nəticələri üzrə hesabatlarına dəyişikliklər etməli olan vergi ödəyicilərinə də aid olacaq.
Kanada, Fransa və ABŞ kimi inkişaf etmiş ölkələrdə könüllü şəkildə təqdim olunmuş bəyannamə həcminin 97-98% olduğunu nəzərə alsaq, vergilər naziri Fazil Məmmədov 92%-i yaxşı göstərici adlandırıb. Dünya təcrübəsində bu rəqəmin 80%-i keçməsi artıq yaxşı göstərici hesab olunur. Qərbi Avropa ölkələrində isə 90% yüksək göstərici sayılır. Nazirin fikrincə, Azərbaycanda belə nəticələrin əldə olunması vergi mədəniyyətinin inkişafından xəbər verir.
Bu gün respublikada mənfəət verigisi ödəyənlərin sayı təxminən 11 minə bərabərdir, gəlir vergisi ödəyənlər isə 7 mindən artıqdır.
