Bu gün iki və ya bir neçə bank qanununun bir Bank Məcəlləsində toplanmasına ehtiyac yoxdur. Trend in verdiyi məlumata görə, bu barədə Milli Bankın İdarə Heyətinin sədri Elman Rüstəmov bəyan edib.
Onun fikrincə, bu prosesin keyfiyyət baxımından təsiri olmayacaq və bank bazarında qeyri-sabitliyk atmosferinin yaranmasına gətirib çıxaracaq. Qanunvericiliyin sabit olması onun nizamladığı sahənin ən mühüm inkişaf göstəricilərindən biridir. Dəyişikliklər müvafiq olaraq bank sahəsinin inkişafında maraqlara xidmət etməyəcək.
MB-ın rəhbəri Bank Məcəlləsinin qəbul edilməsində zərurətin olmamasını həm də 10 il ərzində iqtisadiyyatın heç bir digər sahəsində müşahidə olunmayan bank sahəsində qanunların 3 nəslinin yaradılmasında görür.
Hazırda bank Bazel komitəsinin "Bazel-II" standartlarının müzakirəsində fəal iştirak etdiyini qeyd edib. Lakin onlar inkişaf etmiş bank sisteminə malik olan qabaqcıl ölkələr tərəfindən də qəbul edilməyib. Bu prosesdə və onun başa çatmasından sonra digər inkişaf etmiş ölkələr kimi Azərbaycan da "Bazel-II"nin əsas qaydalarını qəbul edə bilər. Bu, ölkədə qüvvədə olan bank qanunvericiliyində ("Banklar haqqında" qanunda) dəyişikliklərə gətirib çıxara bilər.
