2006-cı ilin yanvar-mart aylarında Azərbaycanın 114 ölkə ilə ticarət əməliyyatlarının həcmi 1 943 276 ,9 min təşkil edib. Trend agentliyinin Dövlət Gömrük Komitəsinə istinadən yaydığı məlumata əsasən, bu müddət ərzində 1.184 növ məhsul üzrə ixracat 1037796,2 min dollar həcmində olub, 4.035 idxal məhsulunün dəyəri 905480,7 min dollardır. Beləliklə, 132315,6 min dollar həcmində müsbət saldo formalaşıb.
Ötən ilin analoji müddətilə müqayisədə ticarət əməliyyatlarının həcmi 116,43% (558284,4 min dollar) artıb, idxal əməliyyatlarının həcmi isə 19,92% (225301,2 min dollar) düşüb. Buna səbəb ölkəyə gətirilən müxtəlif növ avadanlığın, qara metal məmulatları və müxtəlif texniki qurğuların azalmasıdır.