Respublikada birinci rübdə 1237 yeni hüquqi şəxs qeydə alınıb. Fəaliyyətdə olan müəssisədən 45-i isə ləğv olunub. Dövlət Statistika Komitəsinin sədri mətbuat konfransında bildirib ki, hesabat dövründə yaradılan müəssisələrin böyük bir hissəsi (415) topdan və pərakəndə satış, avtomobil, məişət və şəxsi istifadə əşyalarının təmiri sahəsində olub. Tikinti sektorunda 193, daşınmaz əmlakla xidmət üzrə 131, komunnal xidmət 108, kənd təsərrüfatında 117, istehsal sənayesində 110 yeni müəssisə yaradılıb.
Birinci rüb ərzində daşınmaz əmlakla xidmət sahəsində 118, topdansatış və pərakəndə satış üzrə 14 müəssisə ləğv edilib. A.Vəliyevin proqnozlarına görə, il ərzində qeydiyyata alınan yeni müəssisələrin sayı 5-6 minə qədər artıb. Aprelin 1-nə olan vəziyyətə görə, Azərbaycanda 71 476 hüquqi şəxs qeydə alınıb ki, bu da ilin əvvəli ilə müqayisədə 1,7%
çoxdur.
2003-cü ildə aparılan müşahidələrə görə, ölkədə rüb ərzində orta hesabla 30-40 min yeni iş yeri yaradılır ki, onlardan 51-52% -i daimi əsasdadır. Bunu nəzərə almaqla, 2006-cı ilin sonlarına kimi 440 -450 min yeni iş yeri açıla bilər. Onlardan 235 mini daimidir. Dövlət Klmitəsinin sədri hesab edir ki, yeni iş yerlərinin yaradılması işsizlərin sayının azalmasına gətirib çıxarır. Əhalinin siyahıya alınmasının nəticələrinə görə, əgər 1999-cu ildə Azərbaycanda 551 min işsiz var idisə, artıq 2003-cü ildə onların sayı 400 min nəfərə qədər azalıb. Dəqiqləşdirilmiş məlumatlara görə, bu gün ölkədə işsizlərin sayı 300 min nəfərə çatır.