2006-cı ilin sonunadək Azərbaycanın Nəqliyyat Nazirliyi Muğanlı-Qəbələ avtomobil yolunun yenidən qurulması layihəsinin gerçəkləşdirilməsinə başlamaq niyyətindədir. Bu işlərin daxili sərmayə hesabına həyata keçirilməsi nəzərdə tutulur. Trend in xəbər verdiyi kimi, bu barədə Nəqliyyat Nazirliyinin "Yolnəqliyatservis" Departamentinin rəhbəri Cavid Qurbanov məlumat verib.
Bu yolun uzunluğu təxminən 76 km-dir. Layihənin gerçəkləşdirilməsi üçün təxminən $70 mln lazımdır. Bakı - Şamaxı - Muğanlı yolunun yenidən qurulması üzrə işlər isə Dünya Bankının $200 məbləğində ayırdığı kredit hesabına həyata keçiriləcək. Kredit sazişinin yaxın vaxtlarda imzalanacağı gözlənilir. Kreditin bir hissəsi Ələt-Astara avtomobil magistralının yenidən qurulması layihəsinə xərclənəcək.