Bakıda AzərDəmiryolBank SB-nin Xətai filialı fəaliyyət göstərməyə başlayıb. Yeni filialda fiziki şəxslərə və korporativ müştərilərə bank hesablarının açılması, depozit qəbulu, pul köçürmələri və müxtəlif ödənişlər, kreditlərin verilməsi və s. üzrə tam spektrli bank xidmətləri təklif olunur. Trend in xəbər verdiyi kimi, bu barədə AzərDəmiryolBankın məlumatında deyilir.
Xətai filialı "AzərDəmiryolBank"-ın sayca 19-cu, o cümlədən Bakıda 9-cu filialı oldu. Mayın sonuna qədər Şamaxıda bankın daha bir filialının açılması planlaşdırılır.
Aprel-may aylarında "AzərDəmiryolBank"-ın 4, o cümlədən Bakıda 2, Sumqayıtda 1 və Qubada 1 şöbəsi də fəaliyyətə başlayıb. Bu şöbələrdə əhaliyə geniş bank xidmətləri seçimi təklif olunur.
