Avtomobillər üçün yanacaqdoldurma stansiyalarında istifadəçilərə çeklərin verilməsi ilə bağlı problemin həll edilməsi üçün Vergilər Nazirliyi YDS-nın sahiblərinə əlavə kassa-nəzarət aparatlarının quraşdırılmasını tövsiyə edib. Nazirlikdən Trend ə verilən məlumata görə, YDS-nın fəaliyyəti üzrəində nəzarətin gücləndirilməsi neft sektoru kimi bu sahənin gəlirli olması ilə əlaqədardır. Buna görə də dövlət büdcəsinə əlavə vergilərin ödənilməsinin təmin edilməsi vacibdir.
Operativ vergi nəzarətinin nəticələri üzrə, artıq may ayının birinci həftəsində qeydə alınmış əlavə kassa aparatlarının sayı 77-yə çatıb.
Mart ayından başlayaraq mayın 6-na kimi paytaxtda fəaliyyət göstərən YDS -da operativ nəzarət keçirmək üçün 89 qərar qəbul edilib. Yoxlamaların keçirildiyi 63 obyektdə (70,8%) müxtəlif çatışmamazlıqlar qeydə alınıb, digərlərində isə onlar qeydə alınmayıb. Pozuntularla bağlı 91 inzibati protokol tərtib olunub.
Hazırda Bakıda 118 YDS mövcuddur ki, onlardan 16-sı müxtəlif səbəblər üzündən fəaliyyət göstərmir, digər 102-si isə öz fəaliyyətlərinin müasir tələblərə müvafiq olaraq yerinə yetirirlər.
