İyunun 7-də Azərbaycan kənd təsərrüfatı üzrə Avropa Komissiyasının 34-cü sessiyasında, iyunun 8-9-da isə FAO-nun (Food and Agriculture Organization of the United Nations) regional konfransında iştirak edəcək. Kənd Təsərrüfatı Nazirliyindən Trend ə verilən məlumata görə, tədbirlərdə kənd təsərrüfatı nazirinin müavini Bəhram Əliyev iştirak edəcək.
FAO-nun Riqada keçiriləcək konfransında kənd yerlərinin Ümumdünya Ərzaq sammitinin tələblərinə uyğun inkişafı, Avropa və MBD-də "quş qripi" virusu ilə bağlı vəziyyət, regional əməkdaşlıq, Avropa kənd təsərrüfatı bazarının inkişafı və digər məsələlər müzakirə olunacaq.
Görüş zamanı 2004-2005-ci illərdə təşkilatın fəaliyyətinə dair məruzələr, əvvəlki iclasların yekunları da dinləniləcək.
