19-21 iyuna planlaşdırılmış İslam Konfransı Təşkilatının xarici işlər nazirlərinin iclasında iştirak üçün İslam İnkişaf Bankının prezidenti Əhməd Məhəmmədəli də Bakıya gələcək. Bu barədə Trend ə Azərbaycanın Maliyyə nazirliyindən xəbər veriblər.
Bu barədə İİB-nın başçısı 30-31 mayda Küveytdə İİB-nın idarə başçılarının illik iclası çərçivəsində Azərbaycanın nümayəndə heyətinə başçılıq edən İqtisadi inkişaf naziri Heydər Babayevə bildirib.
İslam bankının başçısının Azərbaycana səfəri zamanı ölkənin müxtəlif yüksək vəzifəli şəxsləri ilə görüşlər gözlənilir. Onun gəlişi zamanı gələcək əməkdaşlığın, layihələrin həyata keçirilməsi perspektivləri müzakirə olunacaq. Bu səfərdə əsas diqqət Bakıda 7-9 noyabrda nəzərdə tutulmuş investisiya forumunun hazırlığına yönəldilib.
Bu gün Azərbaycanda İİB -nin portfeli 150 milyon dollar təşkil edir.
