Azərbaycan nümayəndələri Avropa Komissiyasının kənd təsərrüfatı üzrə 34-cü sessiyasında və BMT-nin Ərzaq və Kənd Təsərrüfatı Təşkilatının (FAO) 25-ci regional konfransında iştirak etmək üçün Riqaya yola düşüb. Nazirlikdən Trend ə verilən məlumata əsasən, tədbirə kənd təsərrüfatı nazirinin müavini Bəhram Əliyev və nazirliyin Elmi-Aqraq Mərkəzinin Beynəlxalq Əlaqələr şöbəsinin rəhbəri Yaqub Quliyev qatılacaq.
İyunun 8-9-da FAO-nun konfransında kənd yerlərinin inkişafı, Avropa və MDB ölkələrində "quş qripi" virusunun vəziyyəti, regional əməkdaşlıq məsələləri, Avropanın kənd təsərrüfatı bazarının inkişafı müzakirə ediləcək.