Kadr dəyişikliyi ilə əlaqədar Mədən Sənayesində Şəffaflıq Təşəbbüsü (EITI) üzrə hökumət komissiyasının idarə olunması səlahiyyətləri Azərbaycan Dövlət Neft Şirkətinin (ARDNŞ) yeni rəhbəri Şahmar Mövsümova veriləcək. Ş.Mövsümovun Trend ə verdiyi məlumata görə, bu, Nazirlər Kabinetinin qərarı əsasında olmalıdır.
Onun sözlərinə görə, hazırda neft və qaz sənayesində çalışan şirkətlər Deloytte & Touche beynəlxalq auditor şirkətinə hesabatlar təqdim edir. Şirkətlərin məlumatları tutuşdurulduqdan sonra Deloytte & Touche EITI çərçivəsində 2005-ci ilin ikinci yarısı üzrə dördüncü hesabatı hazırlayacaq.
Auditor şirkətinin xidmətləri şirkətlər tərəfindən növbəlik prinsipilə ödəniləcək. Ş.Mösüovun bildirdiyinə görə, BP şirkətlərin auditorla hesablaşma sxemini hazırlamağı öz üzərinə götürüb.
2003 və 2004-cü illər ərzində audit Deloytte tərəfindən həyata keçirib, Accountants Global Network şirkətlər qurupuna daxil AGN Mak Azerbaijan LTD isə birinci yarım il üzrə hesabatlar hazırlayıb.