2006-cı ildə Avropa Yenidənqurma və İnkişaf Bankı (AYİB) Azərbaycanın bank sektoruna qoyulan vəsaitləri iki dəfə artıraraq $70 mln-a çatdırmağı planlışdırır. Bu barədə Trend ə AYİB-in Bakı nümayəndəliyinin rəhbəri
Reymond Konvey bildirib. AYİB-in son illik iclası çərçivəsində Azəriqazbank, Azərdəmiryolbank, Bank of Baku, UniBank və "Respublika" bankına kredit xətlərinin verilməsi haqqında sənəd imzalanıb.
"Daha iki banka investisiya yatırılması haqqında danışıqlar aparırıq. Həmçinin ölkənin bank sektoruna kapital qoyuluşunu da müzakirə edirik. Hələlik danışıqlar qeryi-müəyyən mərhələdədir" - deyə R.Konvey qeyd edib.
Onun fikrincə, Bank of Baku-da səhmlərin ödənilməsi tez bir zamanda baş verəcək, lakin dəqiq vaxtını müəyyənləşdirmək hələ çətindir. Bu özəl bankda AYİB 25%+1 səhm paketini alıb.