II rübdə Azərbaycan Beynəlxalq Əməliyyat Şirkəti (ABƏŞ, "Azəri-Çıraq-Günəşli" yataqlarının işlənməsi üzrə operator) və BP dövlət büdcəsinə $130 mln mənfəət vergisi köçürüb. Bu barədə Trend ə Maliyyə Nazirliyindən məlumat verilib. I rübdə daxilolmalar $80 mln təşkil edib.
"Azəri-Çıraq-Günəşli" yataqlarının işlənməsi üzrə podratçı şirkətlər apreldən başlayaraq dövlət büdcəsinə mənfəət vergisi ödəməyə başlayıb və həmin dövrdə ümumi daxilolmalar 213,2 mln manat təşkil edib. Bu vəsaitin 93,8 mln. manatı 2005-ci ildə fəaliyyətin yekunları üzrə tutulmaların payına düşüb. 2006-cı ilin I rübündə isə bu göstərici 119,4 mln. manata bərabər olub.
2005-ci ildə və 2006-cı ilin I rübündə ABƏŞ və BP dövlət büdcəsinə 128,7 mln manat, Unocal - 40,5 mln manat, TPAO- 21,7 mln manat, Inpex - 11,6 mln manat və Statoil- 10,7 mln manat köçürüb.
2006-cı ildə podratçı şirkətlər tərəfindən daxiolmaların 600 mln manat həcmində olacağı gözlənilir.
