2006-cı ilin I rübündə respublikada fəaliyyət göstərən müəssisə və təşkilatlar 721,6 mln. gəlir əldə edib və 79 mln. manat ziyana düşüb. Dövlət Statistika Komitəsindən Trend ə verilən məlumata əsasən, subyektlərin fəaliyyəti nəticəsində gəlirləri ötən ilin müvafiq dövrilə müqayisədə 55% (256 mln. manat) artıb.
Gəlirin böyük hissəsi (69,8% və ya 503,9 mln. manat) sənaye müəssisələri hesabına təmin olunub. Nəqliyyat müəssisələri 49,6 mln. manat (ümumi gəlirdən 6,9%), rabitə müəssisələri - 44,6 mln. manat (6,2%), tikinti təşkilatları - 30,6 mln. manat (4,2%) gəlirlə işləyib.
Ümumi ziyanın 65,3%-i sənaye müəssisələri, 12,5%-i - nəqliyyat müəssisələri, 6,6%-i maliyyə, 5,7%-i tikinti təşkilatları, 3,8%-i ticarət və xidmət müəssisələrinin payına düşub.
Qarşılıqlı borcların həcmi 4,6 mlrd. manat təşkil edib.