İyulun sonuna qədər Azərbaycan hökumətilə Asiya İnkişaf Bankı arasında "Ağdaş, Göyçay və Naxçıvanda su təchihatı sistemi və sanitar xidmətlərin yaxılaşdırılması" layihəsi üzrə kredit müqaviləsi iyulun sonuna qədər qüvvəyə minəcək. Bu barədə Trend ə bankın Bakı nümayəndəliyindən xəbər veriblər. AİB-ıin baş mütəxəssisi Şakil Xanın rəhbərlik etdiyi missiya layihənin başlanması prosesilə tanış olamaq üçün həftə sonuna qədər Bakıda qalacaq.
Ekspertlər irəliləyişin olduğunu qeyd edib, çünki iyulun 18-də "Azərsu" SC məsləhətçinin cəlb olunması haqqında tender elan edib. Onun vəzifəsinə layihənin müfəssəl dizaynı, podryatçıların cəlb olunması üçün tender spesifikasiyalarının hazırlanması, layizhənin gerçəkləşdirilməsinə nəzarət etmək daxildir. Layihə 6 ilə nəzərdə tutulub.
Layihənin ümumi dəyəri $39,9 mln. təşkil edir. Layihəni maliyyələşdirmək üçün bank $30 mln. kredit ayırıb, bundan $9,9 mln. hökumətin payına düşür. 2010-cu ilə qədər Ağdaş, Göyçay və Naxçıvanda su təchihatı sistemi və infrastukturun inkişafı üçün struktur dəyişiklikləri aparmaq nəzərdə tutulub. İnstitusional islahatlar üçün başqa bir məsləhətçi cəlb olunub. Bu Yeni Zelandiyanın Castaliya və Azərbaycanın AzSpetsPromInvest Consulting Engineers şirkətlərinin daxil oluduğu konsorsiumdur.
