...

Dövlət Neft Şirkəti Azərbaycan və Gürcüstanın dəmir yollarındakı problemlərlə əlaqədar çətinliklərlə üzləşmir

Biznes və iqtisadiyyat xəbərləri Materials 29 İyul 2006 13:13 (UTC +04:00)

Neft və neft məhsullarının daşınması ilə əlaqədar Azərbaycan və Gürcüstanın dəmir yollarında yaranmış problemlər Azərbaycanın Dövlət Neft Şirkətinin neft yüklərinin göndərilməsinə mənfi təsir göstərmir. Bu barədə Trend ə ARDNŞ-dən bildiriblər.

Avqust ayında (ayın 8-9-u və 23-24-ü) Batumi limanı istiqamətində ARDNŞ-in hər biri 80 min ton olan iki partiya yüngül nefti göndəriləcək. Həmçinin ExxonMobil də "Azəri"-"Çıraq"-"Günəşli" yataqlarında hasil etdiyi nefti göndərəcək (hər biri 80 min ton olan iki partiya).

Hazırda Azərbaycan Dövlət Dəmir Yolu (ADDY) şimal istiqamətindən neft yüklərinin qəbulunu dayandırıb. Bu onunla izah olunur ki, yük daşımalarının həcminin artması nəticəsində Azərbaycan dəmir yolu lokomotiv parkında çatışmazlıq hiss edir. Bunun nəticəsində, ilk növbədə, respublikadan yüklər daşınır.

Nazirlik nümayəndələrinin qeyd etdiyi kimi, il ərzində dəmir yolu vasitəsilə yük daşımalarının həcmi kəskin surətdə artıb. Həm respublikadan, həm də tranzit yük daşımaları artıb. ADDY-nin məlumatlarına görə, ilin birinci yarısında yük daşımalarının həcmi 15,1 mln. ton təşkil edib, bu isə planlaşdırılmış həcmdən 3 mln. 311,6 min ton çoxdur. Bu dövrdə ümumi həcmdən 4 mln. ton neft və neft məhsulu daşınıb.

Nazirlik nümayəndələrinin sözlərinə görə, bu il bütün növ yüklərin nəqlində artım müşahidə olunur. Bundan başqa, Ukrayna borularının Türkmənistana, həmçinin türkmən neft məhsullarının Azərbaycan ərazisindən keçməklə, Rusiyanın Maxaçkala limanından Batumi limanına daşınması üzrə müqavilələrin icrasına başlanılıb.

Xəbər lenti

Xəbər lenti