Trend agentliyi xəbər verir ki, Qaradağ-Cement SC Beynəlxalq Standartlaşdırma Təşkilatının standartlarına uyğun olaraq "ISO 9001:2000 (Keyfiyyətin İdarə edilməsi) və ISO 14001:2004 (Ətraf mühitin İdarə edilməsi) idarə sistemlərini tədbiq edib.
Qaradağ-Cement Azərbaycanda bu əsasda klinker və sement istehsal edən yeganə şirkətdir. Şirkət daxili bazarın böyük hissəsini həm yerli, həm də beynəlxaq standartlara cavab verən məhsullarla təmin edir.
1999-cu ildə İsveçrənin Holsim şirkəti tərəfindən Qaradağ Sement zavodunun bazasında yaradılmış "Qaradağ Sement" ASC qısa müddət ərzində əhəmiyyətli nailiyyətlər əldə edib və Azərbaycan bazarında özünəməxsus yer tutub. Hazırda SC-nin məhsulları ölkədə iri layihələrin həyata keçirilməsində istifadə olunur.