...

DB Bakının nəqliyyat sisteminin tənzimlənməsi sahəsində öz köməyini təklif edir

Biznes və iqtisadiyyat xəbərləri Materials 2 Avqust 2006 18:23 (UTC +04:00)

Trend-i buradan izləyin

Dünya Bankı Bakı şəhərinin nəqliyyat sisteminin tənzimlənməsi sahəsində kömək etmək təklifi ilə Azərbaycan hökümətinə müraciət edib. Bu barədə Trend ə Nazirlər Kabinetindən xəbər veriblər. Bu, hazırda Bakıda olan Dünya Bankının energetika və infrastruktur sektorunun, Avropa və Mərkəzi Asiya ölkələrində infrastruktur departamentinin direktoru Piter Tompsonla görüşdə müzakirə mövzusu olub.

DB həmçinin hazırda Azərbaycan höküməti tərəfindən gözdən keçirilən üçüncü və dördüncü yol layihələrində iştirak etməyi təklif edir. Bu, Beyləqan-Zaqatala istiqamətində, İsmayıllıdan Qara-Məryəmə qədər (Göyçay və Ağsu arasında), Mingəçevirdən İsmayıllıya qədər yollar istiqamətində həyata keçirilən layihələrin davamı olacaq, həmçinin Hacıqabuldan sonra ikinci zolağın tikilmə ehtimalı gözdən keçirilir. Bank həmçinin kənd, rayon təyinatlı, Zaqatala və Balakən rayonlarından keçən yolları maliyyələşdirməyi də təklif edib.

Hökümətdə hesab edirlər ki, DB-nin maliyyələşdirdiyi ikinci yol layihəsinin həyata keçirilməsində heç bir problem yoxdur. Bu, bankın missiyası tərəfindən də təsdiq olunub. Layihədə Ələt-Masallı avtomagistral marşrutunun genişləndirilməsi və dəyişdirilməsi, eləcə də Bakını respublikanın qərb rayonları ilə birləşdirən Bakı-Şamaxı-Muğan yolunun təmiri nəzərdə tutulub. Avtomobil yolunun birinci sahəsi üzrə fiziki işlər, yəqin ki, sentyabr ayında, Bakı-Şamaxı yolu üzrə isə - oktyabr ayında başlanacaq.

Xəbər lenti

Xəbər lenti